Нїмецька поліція заперла шість особ, членів ґанґу, котрый до Нїмецька ілеґално привожав людей з Вєтнаму а наслїдно їх выужывав на роботу в нохтёвых салонах. Інформовала о тім у четверь аґентура ДПА. Подля прокуратуры в містї Мунстер были Вєтнамци нучены робити в нохтёвых салонах сполковой країны Северне Порінє- Вестфальско десять годин денно, причім мали лем єден вольный день в тыждню. Вшыткы шестеро затриманы, штироє хлопи і дві жены, походять з Вєтнаму, двоє мають нїмецьке обчаньство. Міґранты мали ґанґу платити за перевоз до Нїмецька од 4500 до 22.500 евр а подля вышетрёвателїв годно быти, же ім тым взникнув довг, котрый сі наслїдно мусїли одробити в салонах.

(Шутіова, TASR)