Німецькы уряды в понедільок оголосили, же зінтензівнюють слідованя крайно правіцьовой Алтернатівы про Німецько. Існують підозріня, же партія співпрацує з екстремістічныма ґрупами. Актівісты AfD походовали минувшый тыждень у выходонімецькім місті Хемніц вєдно із представителями руху PEGIDA, заміряного проти міґрантів і членами реґіоналной мілітантной неонацістічной сцены. Походы одбыли ся по тім, што двоми біженці забили 35-річного Німця, припомянула аґентура Associated Press. Уряды в Бремах в Нижній Сасії, на севері Німецька, в понедільок оголосили, же зачали моніторовати молодежны крыла AfD в двох сполковых країнах. Слідованя не має быти повязане із недавныма подіями в Хемніці, а з протидемокртічныма цілями молодежи AfD і їй напоїньом на крайно правіцьовых ідентітаріянів, націоналістічну ґрупу, котру держава слідує вже штири рокы. Партія такой на то выголосила, же споминаны молодежны орґанізації будуть роспущены і же цілі партії суть демократічны.
(Медвідь, TASR)