Уряды в Німецьку выбавили в тім році веце жадостей о азіл як в остатніх 27-ох членьскых державах Европской унії. Выходить то із даных штатістічного уряду ЕУ Eurostat, о котрых інформує днешнє выданя денника Die Welt. Почас першых шестьох місяців ся в Німецьку вырішыло о 357 625-ох жадостях о азіл, покля в решті ЕУ то было лем 199 405 вырішінь. Іншы даны як Eurostat має німецькый Сполковый уряд про міґрацію і біженців, котрый в першій половині рока 2017 зареґістровав вырішіня в припаді 388 201 жадостей о азіл. До Німецька приходить од апріля 2016-го року коло 1000 новых жадателів о азіл місячно. В октобрі 2017-го року їх было подля міністерства внутрішніх справ точно 15 170. Німецько зіставать найжаданішов державов, такой по нім слідує Італія.
(Петро Медвідь, TASR)