Найвысшы представителі Хрістіаньскодемократічной унії Німецька, сестерьской Хрістіаньскосоціалной унії Баварії і Соціалнодемократічной партії Німецька підписали в понедільок договор о продовжованю сполочного владнутя в рамках тзв. великой коаліції. О святочнім акті в парлемантнім Домі Паула Лебего в Берліні інформовала аґентура DPA. Анґела Меркелова стане канцеларьков уж по четвертый раз. Обидві владны партії суть теперь слабшы, як будьколи перед тым, кідь так само творили велику коаліцію. Соціалны демократы мали у останіх выборах найгіршы резултаты од Другой світовой войны. „Тот договор приносить цалком конкретны зліпшіня про людей,“ выразила своє пересвідчіня Меркелова, котра підкреслила рихтованы зміны в родинній політіці ці школстві. Горст Сігофер зясь повів, же тот коалічный договор є за його думками про обычайных людей.
(TASR)