Скоро третина новых авт, котры ся в минулім року продали в Норьску, были чісто електроавта. То є новый світовый рекорд. Норьско хоче скінчити з продаваням авт з нафтовыма ці бензіновыма моторами до року 2025. За актуалныма штатістіками проценто продая електроавт в порівнані з продайом новых авт в року 2018 ся підняло на 31,2 % з 20,8 % в року 2017. На порівнаня в року 2013 іх часть представляла лем 5,3 %. Наспак, пропався продай авт з моторами на бензін ці нафту. Норьско давать великы даньовы злівы прі купованю електроавт, што є частьов політикы понижуваня емісій.
(ТАSR)