Нова ізраільска влада в понедільок схвалила контроверзный поход жыдівскых націоналістів, котрый днесь поведе через анектованый выходный Єрусалим. Як пише аґентура Associated Press, міністер про публічну безпечность Омар Бар-Лев схвалив поход і напарек страхам з далшого выостріня напруг меджі Ізраільом і Палестінчанами, котры тоту акцію беруть за провокацію. Мілітантный рух Гамас вызвав Палестінчанів на „одпор“. Бар-Лев, міністер влады Нафталі Беннетта, котра ся властей хопила лем в неділю, рішіня коментовав з тым, же право демонштровати є правом у вшыткых демокраціях. Поход мав одбыти ся у четверь, но одложыли го з безпечностных причін, кедь звекшыли ся напругы перед наступліньом новой ізраільской влады.

(Медвідь, TASR)