Нова европска комісія під веджіньом председничкы Урсулы фон дер Леєновой ся вчера офіціалні уяла повніня своїх повиності. Фон дер Леєнова при тій нагоді підчеркла важность посилніня Европской унії, інформувала аґентура DPA. Нова 26-членна ехекутіва Европской унії зачала урядувати в день десятого выроча діяня тзв. Лісабонского договору, котрый зреформував фунґованя Унії.  Нова Европска комісія зложена з 12 жен і 15 чоловіків мала актуалні зачати свою роботу од 1-го новембра. Наконець ся так стало аж з місячным одкладом, котрый запричинили проблемы при одобрювані кандидатів на комісарів з Франції, Мадярьска і Румунії. Коміся під веджіньом фон дер Леєновой бы мала діяти до 31-го октобра 2024-го року.

(TASR, Pkf)