Ізраїльскый премєр Бенямін Нетанягу вчера приобіцяв, же недоволить, абы дійшло до зрушіня жыдовскых осад в Передйорданску  без огляду нато, де суть. Інформовала о тім аґентура  AFP. „Недоволиме, абы ся в рамках будьякого мірового плану ліквідували будьякы осады. Єдночасно нероблю розділы меджі блоками осад і ізолованыма осадами. Кажде таке місце є з мого погляду ізраїльске,“ повів в часі свойой вчерайшой навщівы осады Ревава ізраїльскый премєр в рамках кампані перед парламентныма вольбами, котры суть в Ізраїлі напланованы на 17-го септембра. Жыдівскы осады в Передйорданску выбудованы на території, котры Ізраїль зобрав в шістьдньовій войні в 1967-ім року, поважає меджінародне сполоченство за незаконне і їх дальше будованя є єднов з главных барєр про обновліня повноцінных міровых їднань і міру в даній часті Близького выходу. (TASR, Пкф)