Ізраільскый премєр Бенъямін Нетанъягу у віторок деклраровав свою выгру у понедільковых парламентых вольбах. Подля екзіт поллів має його партія Лікуд найвекшу кількость голосів, інформовала аґентура AFP. Голосы уж суть порахованы, выслідкы з причіны овірьованя будуть публікованы аж днесь пополідне. Были то треті вольбы в Ізраілі за єден рік. Нетанъягу означів резултаты свойой партії „за найвекшу выгру у своїм жывоті“. Участь на вольбах была 71 процент, Лікуд бы мала здобыти 36 аж 37 кресел в 120-членнім парламенті. То бы быв найліпшый резултат партії під веджіньом Бенъяміна Нетанъягу, котрый є премєром од 2009-го року. Партія бы вєдно із своїма союзниками могла обсадити аж 59 кресел, што є о два менше, як є надполовична векшына.

(Медвідь, TASR)