Снагы сформовати на Ісландї нову влады ся закінчіли останнїй новембровый день підписанём коалічной догоды. Нова коалічна влада має в 63 членнім законодарнім зборї 33 кресел. Коаліція є зложена з партій Лявіцовых зеленых, конзерватівців із Партії незалежности експремєра Бйарніго Бенедіктсона і лібералів з Проґресівной партії. Колышня міністерка школства Катрін Якобсдотір з партії Лявіцовых зеленых, котра буде председнічков новой влады авізовала, же ся її кабінет буде намагати злїпшыти інфраштруктуру в інтересї навчаня здравотніцьтва і транспорту. Сучастёв змлувы, котру підписали представителї трёх коалічных партій є подля ісландьского розгласу і замірь, жебы островный штат надале зістав нечленьсков державов Европской унії. Конзерватівци будуть мати во владї пятёх міністрів враховано шефа резорту загранічных дїл і міністра фінанцій. Лявіцовы зелены обсадять попри премєрцї іщі два посты у владї а лібералы будуть мати трёх міністрів.
(Зденка Цітрякова)