В ісландійскій столиці Рейкявік у віторок офіціално зачав саміт Рады Европы. Од выникнутя Рады Европы у 1949-ім році то лем четвертый саміт той орґанізації, остатній раз у 2005-ім році одбыв ся в Польщі. Лідеры членьскых держав Рады Европы мають днесь підписати декларацію о реґістрі шкод зробленых Україні, котрый буде тота меджінародна орґанізація справовати. Іде о форму помочі, кедьже тото, „што діє ся на Україні, має величезны допады на економіку, господарьство і еколоґію країны,“ повіла іщі перед самітом презідентка Словакії Зузана Чапутова, котра є на саміті участна. Росія была з Рады Европы вышмарена з причіны аґресії проти Україны, Білорусь – союзник Москвы, є на саміті участна лем як позорователь.

(Медвідь, TASR)