Україньскый парламент вчера прияв закон о народностных меншынах, котрый є найважнішым условійом про вступ споминаной країны до  EÚ, інформував на своїй інтернетовій сторинці британьскый денник  Guardian. За зрушіня старого закона і приятя нового голосувало 324 дупутатів, увів депутат Ярослав Железняк в статусі на платформі Телеґрам. Депутат парламенту і член выбору про людьскы права, деокупацію і реінтеґрацію дочасні купованых теріторій, народностных меншын і меджінародных односин Тарас Тарасенко, у своїм выголосіню опублікованого на інтернетовій сторинці законодарного збору приобіцяв, же закон “на никого незабуде і небуде існувати нияка діскрімінація“. Досягне ся ним, же “каждый жытель Україны непозераючі на етнічне походженя буде мати можность познати україньскый язык і свій родный язык, штудовати в тім языку, познати свою културу“. (TASR, Pkf)