На Пражскім градї не буде протягом лїта святочне черяня патролей, на котре ся реґуларно ходять позерати стовкы турістів. Доводом є реконштрукція Браны ґіґантів, котра буде дакілько тыжднів заперта. Святочне черяня нагородить выступлїня Гудбы Градной стражі. В середу то ознамила чеська Канцеларня презідента републікы (КПР). ,, Брана ґіґантів, котра огранічує Пражскый град напрямом з Градчаньского намістя ся од будучого понедїлька на дакілько тыжднів запре. Доводом є выміна безпечностных стовпиків. Зновуотворїня браны є наплановане на послїднїй авґустовый тыждень,“ увела КПР.

(TASR, Шутіова)