На посліднім лучіню з траґічно вмершым іраньскым презідентом Ебрагімом Раісім брало участь десяткы тісяч людей
На посліднім лучіню з траґічно вмершым іраньскым презідентом Ебрагімом Раісім і членами його екскорти, котры вмерли в неділю при гаварії гелікоптеры, днесь в Тегерані брав участь і лідер палестиньской мілітантной орґанізації Гамас Ісмаіл Ганія і высокопоставленый член веджіня лібанонского шіітского руху Гізбаллаг Наім Касім, інформувала аґентура AFP. Ганія в короткім выступліню к смуточному зібраню выголосив, же палестиньске веджіня є собі істе, же ‟Іраньска ісламска република буде продовжувати в підпорі палестиньского люду‟. Люди на то реаґували скандованям ‟Смерть Ізраїлю!‟ Аґентура AFP увела, же до улиць Тегерану вышли днесь десятьтісячі людей. Єдночасно шак додала, Тегеранчани достали до мобілів справу з вызвов, абы брали участь ‟на погрібі мучениька службы‟ народу. (TASR, Pkf)
-
Назад / Nazad До Пасма Ґазы ся дістало понад 569 тон помочі
-
Далше / Dalše Російскый діпломат: ЕУ буде мусіти вернути Росії, што єй украла