На новый коронавірус, котрый ся по першый раз обявив перед менше як роком в Китаї, уж на цілім світі вмерло веце як міліон людей. Выходить то з новой біланції аґентуры AFP. На наслідкы захворіня COVID-19 вмерло до вчерайшого дня 1 000 009 людей з цілкового чісла інфікованых 33 018 877. Найвысше чісло смертных пригод, веце  як 200 000, евідують Сполучены штаты, наслідує Бразілія, Індія, Мехіко і Британія. Нова сорта коронавірусу SARS-CoV-2 є найсмертелнішым вірусом 21-го столітя, позначіла аґентура AFP. (TASR, Pkf)