Лідры Североатлантічной аліянції послали Мецедонії формалну позванку на приступовы рокованя, єдночасно шак підкреслили, же тота балканска країна ся може стати членом лем по тім, як вырішыть свій назвословный конфлікт з Греційов. Інформувала о тім пресова агентура ТАСР. Мацедонія бы ся так стала 30-ым членом НАТО, што шак ірітує Россії. Мацедонія і Греція підписали в юні договор, на основі котрого Мацедонія змінить свою офіціалну назву з Бывалой югослованской републикы Мацедонско на Републику Северне Мацедонско. Греція на выміну одблокує снагы свого сусіда о вступ до НАТО і ЕУ. Мацедонскый презідент Ґйорґе Іванов тырвать на тім, же непідпише договір о зміні назвы країны і наперек тому, же ю уж по другый раз мацедонскый парламент одобрив. Іванов твердить, же догода є протиуставна.
(TASR)