Ґенералный секретать НАТО Єнс Столетенберґ привітав у понедільок інформацію о плані обновити прямый летецькый транспорт меджі сербскым Белеґрадом і косовсков Пріштінов. У выголошіню про медії шеф аліанцї повів, же плановане обновліня летецького споїня є „важный крок“, котрый полегшать і ускорить рушаня особ і товарів у реґіоні западного Балкану. Єдночано звернув увагу, же командант місії КФОР собі і надале заховавать авторіту у воздушнім просторі над Косовом, што є в згоді з резолуційов Безпечностной рады Орґанізації зъєдиненых народів. Подля Столтенберґа буде НАТО і надале брати участь на довгодобім процесі нормалізації летецькых споїнь на Балкані.

(Медвідь, TASR)