За послідніма штатистиками офіціалного каталанского дослідницького центра вказав, же настроєність в благо одторгнутя в данім іспанскім северовыходнім реґіоні в перебігу посліднього бурливого місяця сілніє. На основі выслідків дослідженя опублікованых вчера подїл Каталанців, котры хочуть, абы ся Каталанско стало незалежнов державов, ся збівшыв з юновых 41,10 на 48,70 процентів, покы поділ людей, котры суть проти незалежности ся понижыло з 49,40 на 43,60 процентів. Дослідженя ся одбыло меджі 1500 респондентамі в днях од 16. до 29. октобра. Конець дослідженя ся одбывав в часі выголосіня незалежности в каталанскім парламенті, што было порушіньом шпанєльской уставы. Шпанєльска централна влада зареаґовала одкліканям каталанской влады і выголосіням реґіоналных предчасных волеб на 21. децембра.
(Петро Кімак-Фейко)