Найвысшым австрійскым політиком ся тот рік наперек высокій інфлації небудуть звышовати заробіткы, ознамив вчера Карл Негаммер і віцеканцелар Вернер Коґлер.  Інформують о тім аґентуры DPA i APA. Заробіткы політичным представителям в Австрії суть звычайно споєны з інфлаційов. Звышыли бы ся так о  рекордных 9,7 процента, што перед тым остро крітізували опозичны партії. Вердікт о незвышованю ся дотулять автрійского презідента, вшыткых членів влады, председу долной коморы парламенту і председів посланецькых клубів. Політиком і посланцьом в сполковій країні бы ся мали заробіткы звышыти о половину мїры інфлації. (TASR, Pkf)