Чеська міністерка обраны Яна Чернохова ся в четверь у Варшаві стрїтила з польскым колеґом Маріусом Блащаком. Говорили сполу о обранній сполупрацї і о охранї словацького воздушного простору. Інформує о тім справодайкыня TASR в Празї. Чернохова увела, же о пару дней ся довєдна з Блащаком стрїтять зо словацькым міністром обраны Ярославом Надём. ,,На будучій тыждень ся стрїтиме на Словакії, де будеме зо словацькым міністром Надём підписовати договор о сполупрацї при охранї воздушного простору Словацькой републікы,“ повіла чеська міністерка. Подля Черноховой то указує, же Польща і Чехія суть близкыма партнерами. Головнов темов роковань міністрів обраны у Варшаві была сітуація на Українї і обранна сполупраца Чехії і Польщі.

(TASR, Шутіова)