Росія ознамила, же занедовго докінчить свою часть про новый пліновод Сіла Сібірі 2, обровскый проєкт на додавку бівшого  обєму пліну до Кітая. Інформували о тім аґентуры AFP і Reuters. Москва планує зачати з будованям пліноводу на будучій рік по тім, як з прічіны інвазії на Україну зачатком минулого рока Европа обмеджіла довоз російскых енерґій і Москва ся мусіла у векшій мірі обернути на азійскы торгы як Кітай і Індія. Росія хоче через Сілу Сібірі 2 звышыти додавкы пліну пліноводми до Кітая о 50 міліярд кубічных метрів (m3) рочні. Днесь додавать до Кітая плін через пліновод Сіла Сібірі, котрый зачав діяти в року 2019, причім до року 2025 планує через дану інфраштруктуру звышыти експорт на 38 міліярд m3 рочні. (TASR, Pkf)