Молдавія в неділю в референдумі голосувала проти вступу споминаной бывшой совїтьской републикы до Европской унії (ЕУ). Выходить то з частковых выслідків, котры опубліковала волебна комісія. Інформує о тім аґентура AFP. В референдумі, в котрім было зрахувано коло 70 процент голосів, ся веце як 55 процент опрошеных жытелів высловило за ‟ні‟ і скоро 45 процент за ‟ано‟, але выслідкы ся іщі можуть змінити по зрахуваню голосів в главнім місті Кішінов, котре є вступу до ЕУ наклонене, як і в заграничу. Референдум одбыло ся з ініціятівы проевропскы оріентованой молдавской презіденткы Маіе Сандуовой. (TASR, Pkf)