Молдавска влада вызвала письмом Орґанізацію споєных народів, абы была на септембровім засіданні Валного згромаждіня продискутована можность вернутя рускых вояків з молдавского сепаратістіцкого реґіону Поднестерско. Інформувала о тім справодайска станіця Слободна Европа. В нім ся окрім іншого пише, же уж 25 років Руска федерація під такзванов міротворнов місійов застрашує розмістнюваням своїх вояків і вызброї на території Молдавії.
(Петро Кімак-Фейко)