В тых днях Мукачовска ґрекокатолицька єпархія припоминать собі сто років од народжіня помічного мукачовского єпіскопа – владыкы Йосифа Головача, тітуларьного єпіскопа созопольского в Хемінонто. Свою єпіскопску хіротонію прияв владыка Йосиф тайно, в часі, коли Мукачовска єпархія офіціално не існовала, і ґрекокатоликы были заборонены. По леґалізації єпархії вів як ректор і молодых богословів. Велика заслуга патрить владыкові Йозефови Головачови, окрім іншого і зато, же в 1990-му році, коли проходив в Римі Сінод єпіскопів Україньской ґрекокатолицькой церькви  подарило ся сохранити Мукачовску ґрекокатолицьку єпархію прямо під юрідікційов Рима. Тым сохранена была нелем історічна Ужгородьска унія, з котрой русиньскы ґрекокатоликы вышли, але заборонило ся тым і скорій українізації церькви на Підкарпатю, заховав ся статус Мукачовской єпархії як церькви свого права – русиньской. Джерело фотоґрафії: ЛЕМ.ФМ/facebook (ЛЕМ.ФМ, Пкф)