Мешіты в трьох містах в німецькій сполковій країні Северне Порінє-Фестфалско евакуовали вчера беручі до увагы прияты застрашуваня бомбовыма атаками. Поліція заперла і улиці  в околиці мешіт, інформувала аґентура DPA з одкликаням ся на поліцайны выголошіня.  Поліція в Дортмунді увела, же емаійлы з обсагом застрашуваня достали в середу три мешіты, котры суть в містах Ессен, Унна і Гаґен. Поліцайне засягуваня при споминаных мешітах продовжували і в пізніх вечерных годинах. (TASR, Pkf)