Лідры Франції і Німецька звернули в понедільок увагу Сербії і Косова, же вырішіня їх взаємного спору є ключове про їх будучі односины з Европсков унійов. Анґела Меркелова підкреслила, же недавне вырішіня конфлікту меджі Ґреційов і Македонійов односно назвы меншной державы може служыти як приклад про вырішіня проблему Сербії і Косова. Німецька канцеларька і французькый презідент зорґанізовали почас саміту о Балкані в Берліні робочу вечерю про сусідні державы, котрых односины в остатнім часі згіршыли ся. Участны были і лідры членьскых держав Европской унії – Хорватії і Словенії, як і далшы западобалканьскы лідры, написала аґентура AFP. На саміті, котрый проходив зато, бо розговоры меджі Сербійов і Косовом влони заставили ся, была участна і шефка діпломації Унії Федеріка Моґерініова.

(Медвідь, TASR)