Шеф німецькой Хрістіаньскосоціалной унії (CSU) Горст Зігофер выголосив, же німецька канцеларька Анґела Меркелова є єдинов особностьов на міджінародній політічній сцені, котра тримать вкупі свободный світ. Конзерватівна баварійска CSU є сестерьсков партійов хрітістіаньскых демократів (CDU), ведженых Меркеловов. Зігофер ся так выразив коло представльованя Баварійского плану CSU перед септембровыма парламентныма выборами в Німецьку. Маніфест окрім іншого пожадує встановліня максімалной граніці про кількость біженців, котрых Німецько прийме, што Мерекелова не принимать. Напрік тому Зігофер говорив лем слова хвалы о діпломатічных способностях Меркеловой. Повів, же є барз добрым лідром і котвов стабіліты. CSU вєдно із CDU творить довгодобо коаліцію напрік різным поглядам на дакотры темы.
(Петро Медвідь)