Нїмецька канцеларька Анґела Меркелова у четверь послїднїйраз у своїй функції навщівила Італію, де ся в Римі стрїтила з таліяньскым премєром Маріом Драґім а на пріватній авдіенції у Ватіканї з папом Франціском. Інформує о тім аґентура AFP. Меркелова говорила з Франціском о кліматічній змінї і шкандалох повязаных зо знеужыванём молодых в церькви. У Ватіканї ю святочно привітала тзв. швайчарьска ґарда, наслїдно сі з папом Франціском, з котрым ся стрїтила уж дакількораз передтым, вымінила дары. Канцеларька навщівила і новый інштітут напряменый на охрану дїтей, котрый выникнув в рамках Папежской Ґреґоровой універзіты.

(TASR, Шутіова)