Бывша німецька канцеларька Анґела Меркелова признала, же в їй політіці односно Росії были хыбы. Подля Меркеловой, котра дала розговор про днешнє выданя тыжденника Die Zeit, мало ся скоріше реаґовати на російску аґресію. Їй коментарь дотуляав ся російской окупації Криму в 2014-ім році, коли членьскы державы НАТО доїднали ся, же на оборону дають дві процента свого грубого домашнього продукту. Німецько іщі все тот ціль не досягло а Меркелова признала, же ани на то даяк не тискала. Наопак, свою підпору про будованя німецько-російского ґазоводу Nord Stream 2 не банує. Заказ того проєкту подля їй слов бы „небезпечно згіршыв“ односины Німецька з Російов.

(Медвідь, TASR)