Нїмецька канцеларька Анґела Меркелова у четверь выголосила, же по одслужіню свого четвертого функчного періоду не буде доступна про жадный далшый політічный уряд. Розпрудила тым шпекулації, же бы ся могла хопити близшой неуточненой ,,великой” функції в штруктурах Европской унії в Бруселї. ,, Небуду доступна про жадный далшый політічный уряд непозераючі на то, де- враховано ЕУ, “ выголосила Меркелова на сполочній пресовій конференції з голандьскым премєром Марком Руттем, інформовала о тім тлачова аґентура Reuters. Шпекулації о будучности Меркеловой ся розшырили в Берлінї по тім, як канцеларка про четверёве выданя денника Süddeutsche Zeitung повіла: ,, Много людей ся боїть о Европу- враховано мене. Значіть то, же ся чую іщі веце морално завязана придати ся ку далшым при забезпечованю будучности Европы. “ Меркелова на пресовій конференції дале высвітлила, же як свою одповідність внимать підпоровати Европу у позіції канцеларкы як в будучій позіції.

(TASR, Шутіова)