Анґела Меркелова в понедільок потвердила, же на децембровім зъїзді Хрістіаньскодемократічной унії Німецька (CDU) ся хоче зречі председницькой функції в партії, но зістане німецьков канцеларьков. Повіла, же функчный період у функції канцеларькы є про ню так само остатній і в році 2021 уж не буде кандідовати на жадну політічну функцію. Аґентура Associated Press припоминать, же Меркеловой выголошіня слідовало по тім, як німецька владна коаліція CDU, CSU і SPD зажыла тяжкы дебаклы в двох країньскых вольбах. На пресовій конференції по стрічі веджіня Меркеловой партії так само канцеларька конштатовала, же не буде намагати ся овпливньовати розговоры о тім, хто єй вычерять на председницькім стілцю в CDU.
(Медвідь, TASR)