Італійска премєрка Джорджа Мелоніова в понедільок почас навщівы Варшавы приобіцяла шефови польской влады Матеушови Моравєцькому поміч Італії при підпорі Україны, котра боронить ся перед російсков аґресійов. Інформовала о тім аґентура PAP. „Сьме і будеме на україньскім боці і Польща так само може раховати з нашов підпоров,“ повіла Мелоніова на пресконференції по їднанях. Припомянула, же Італія од початку войны підпорує Україну фінанчно, воєньскы і гуманітарно. Як повів Моравєцькый, Польща і Італія на войну смотрять цалком єднако.

(Медвідь, TASR)