Російске міністерство обороны вчера передало протестну ноту німецькому воєньскому аташе у звязку з высловами німецькой міністеркы обороны Аннеґрет Крамповей-Карренбауеровей о одстрашованю Росії ядрововыма збранями, увела то російска штатна пресаґентура RIA Novosti. Російскый резорт обороны увів, же собі призвав німецького діпломата і “попередив на высловы“ німецькой міністеркы обраны. Іде о найновшый знак ростучого напятя меджі Москвов і Североатлантічнов аліянційов (NATO) по тім, што ся міністры аліянції в четверь договорили на новім плані  обороны  протів хоцьякому потенціоналному російскому атаку на многых фронтох. (TASR, Pkf)