Українці самы вырішать, коли буде простор на підписаня міру з Російов, выголосив то вчера французькый презідент Еммануел Мацрон на початку міровой конференції в Римі. Інформувала о тім пресаґентура AFP. Од зачатку україньско-російского конфлікту у фебруарі ся Мацрон одрізняє од остатніх западных лідрів тым, же ся снажыть зохабити отворену можность про діпломатічны бісіды зо своїм російскым напротивком Владіміром Путіном.  Мацрон  єдночасно обгаёвав западну підпору давану Києву тым, “абы собі україньскый народ в істій хвілі міг зволити мір за такых условій, якы собі сам призначіть“. Російскы силы в неділю острільовали україньске місто Миколаїв, покы што російскый міністер обороны Серґей Шойґу выголосив, же конфлікт іде а в напрямі  к “неконтрольованій ескалації“. (TASR, Pkf)