Францюзькый презідент Еммануел Мацрон днесь увів, же хоче в часі стрічі з кітайскым лідром 

Si Ťin-pchingom выбудовати з Пекінґом ‟сполочну драгу‟ к міру на Україні. Інформує о тім аґентура AFP. В часі стрічі з кiтайскым премєром Li Čchiangom Мацрон увів, же хоче говорити  о Україні і тыж о вшыткых великых конфліктох і складных сітуаціях у світі. Подля Li Čchianga є правдеподобность, же меджі Мацроном і Si Ťin-pchingom настане ‟шыршый консенс‟. Неувів але, ці бы быв Пекінкґ охочій приговорити ся в Москві за мір. Мацрона на навщіві Кітая спроваджать председничка Европской комісії (ЕК) Урсула вон дер Леиенова. Їх сполочна драга мать поуказати на єдноту Европы в діяню при справах повязаных з Кітайом. (TASR, Pkf)