О сітуації односно Україны в понедільок вечур бісідовали телефонічно французьскый презідент Еммануел Макрон і його російскый колеґа Владимір Путін. Быв то їх другый телефонат за попередні дні. Потвердив то Кремель, пізніше і Елізейскый палац, пишуть аґентуры ТАСС і AFP. Лідры собі подля пресового выголошіня Кремля далше выміняли погляды на сітуацію односно Україны і на вопросы повязаны з довгодобыма правно обовязуючіма ґаранціями про Росію. Аґентура AFP підкреслила, же Макрон має в порівнаню із союзниками з НАТО – Великобрітанійов і Споєныма штатами, мірнішый тон односно Росії, в Паріжі докінця привітали „позітівный проґрес“ по стрічі Нормандьского формату в середу минувшого тыждня.

(Медвідь, TASR)