Французьскый презідент Емануел Макрон у четверь в повязаню з войнов на Українї вызван на урґентне выготовлїня меджінародного плану потравиновой безпечности. TASR о тім інформує на основі справы аґентуры AFP. Такый план бы мав подля Макрона помочі одвернути грозьбу голоду в зранительных країнах Близкого выходу і северной Африкы в дослїдку Росіёв розпутаной войны на Українї, котра належыть меджі головных вывозцїв пшеніцї. Макрон по четверёвім самітї Североатлантічной аліанції і ґрупы Ґ7 вызвав Росію,жебы ся заховала одповідно а уможнила продовжованя польногосподарьской продукції на Українї. Кедь то Росія не зробить, протягом 12 аж 18 місяцїв в дакотрых країнах світа ,, невыгнутно“ настане голод, упозорнив французьскый презідент.
(ТАСР, Шутіова)