Рїшіня америцького презідента Доналда Трампа позаставити цла на 90 днїв є лем ,,крегков перервов“. Европа мусить зато ,,змобілізовати вшыткы доступны пакы, жебы ся охранила“. Выголосив то в пятніцю французскый презідент Емануел Макрон. Макрон повторюючо потвердив, же Франція і Европска унія будуть представляти єднотный фронт, покы іде о рокованя напрямене на досягнутя договору а одстранїня америцькых цел. ,,Мусиме ся указати як силны. Европа мусить продовжовати в роботї на вшыткых потребных протиопатрїнях,“ увів на соціалній сїтї X по несподїванім Трамповім рїшіню. ,,Маме право боёвати: в ставцї суть робочі місця а жывоты нашых держав,“ додав.

(TASR, Шутіова)