Посланці мадярьского Народного згромаджіня в понедільок вырішыли о продовжіню стану нужды выголошеного з причіны войны на Україні о далшых 180 днів. Влада премєра Віктора Орбана перед місяцьом ініціовала далшу новелізацію закона о опереджіню і звладаню наслідків озброєного конфлікту або гуманітарной катастрофы в судісній країні, значіть стану нужды, тотраз із платностьов до 18-го мая слідуючого року. Попередній стан нужды є платный до 19-го новембра. Влада продовжіня арґументує тым, же озброєный конфлікт або гуманітарна катастрофа на теріторії Україны, як і їх дослідкы в Мадярьску, головно што до азілу, економікы і енерґетікы, в попереднім періоді не змінили ся.

(Медвідь, TASR)