Закон о охрані проти коронавірусу, котрый в понедільок схвалив мадярьскый парламент і такой го підписав презідент Янош Адлер, зачав платити у віторок о півночі. Інтернетова сторінка комерчной телевізії ATV припоминать, же закон быв публікованый у державнім вістнику іщі в понедільок коротко перед півночов, што было условієм, жебы у віторок міг вступити до платности. Закон в часі стану нужды уможнює владі принимати вынятковы крокы в інтересі охраны здравя населіня, правной істоты і стабілности господарьства. Опозічны партії крітіковали посилніня прав влады і жадали до закона дати часове обмеджіня, што ся не стало. Презідент не прияв крітіку опозіції.

(Медвідь, TASR)