Мадярьско є вдяка роботі поліцайтів єднов із найбезпечнішых держав Европы. В понедільок то повів председа мадярьской влады Віктор Орбан на присіганю поліцайных підофіцерів на Намістю героїв в Будапешті. Інформовала і тім аґентура МТІ. Орбан в пряві повів, же в слідуючіх роках буде безпечность єднов із головных европскых вартостей. „Робота мадярьскых поліцайтів собі заслужыть почливость, бо в попередніх роках хоронили граніці Мадярьска і Европы так, же ся притім зліпшыла і безпечность державы,“ повів Орбан перед поліцайтами. Через граніці Мадярьска ся днесь подля його слов дістануть лем тоты, котры приходять леґално і честують мадярьскы законы. На новых поліцайтів апеловав, жебы были гордыма на присягу, котров завязали ся ку ґаранції безпечности мадярьскых родин, ку охороні народной културы і сполоченьского порядку основаного на тісячрічній хрістіаньскій традіції.
(Петро Медвідь)