Індію треба брати за великодержаву у веце областях і має природны жрідла, покля Мадярьско діспонує конкуренціїспособныма фаховыма знанями, котры бы могли творити фундамент мадярьско-індіцькой співпраці. Тото повів у понедільок в Будапешту мадярьскый міністер загранічных діл Петер Сіярто по стрічі зо шефом індіцькой діпломації Субрагманйамом Джайшанкаром. Подля аґентуры MTI Сіярто уточнив, же Мадярьско і Індія хотять будовати взаємну співрацу в областях філмовой творчости, діґіталізації, водного господарьства, хоснованя сонечной енерґії і фармацевтікы. Індіцькый міністер підкреслив, же Мадярьско має добре бізнісове оточіня про загранічных інвесторів, што є добрым предпокладом, жебы было хосенным партнером Індії.

(Медвідь, TASR)