Мадярьско управить платы педаґоґів, кедь дойде ку договору з ЕК
Кедь Мадярьско досягне договор з Европсков комісіёв в дїлї условій выплачаня еврофондів, так учітелїв чекать безпрецедентне підвышіня платів, ознамив то у четверь в Будапешту говорця влады Ґерґелі Ґуліаш. Інформує о тім справодайця TASR. ,,Договором (з ЕК) мож до року 2025 досягнути цїль, жебы учітелї зарабляли 80 процент прємерных платів абсолвентів высокых школ. Підвышіня платів бы могло на будучій рік досягнути скоро 21 процент, далшый рік 25 процент а в роцї 2025 аж до 30 процент,“ повів Ґуліаш. Шеф уряду влады припомянув, же первісно раховали лем з 10 процентным підвышованём платів учітелїв од 1. януара 2023. Додав, же од зміны режіму ся уж трираз выразно управили платы педаґоґів, з того двараз за влады премєра Віктора Орбана.
(TASR, Шутіова)
-
Назад / Nazad Вступ Україны до NATO бы могіх вести к третій світовій войні
-
Далше / Dalše Ердоґан хоче з Русми поставити в Турції далшу ядерну електрарню