Сербія і Мадярьско ся у четверь договори на отворіню трёх гранічных переходів про обчанів, котры роблять на опачній странї граніць. Інформовав о тім мадярьскый міністер загранічных дїл Петер Сзіярто на своїм фейзбуковім профілї, пише Ройтерс (Reuters). Сербія заперла свої граніцї в марцу в намагі забранити пошырёваню коронавірусу. Сзіярто увів, же актуалны превентівны крокы уможнять етнічным Мадярам жыючім в северній Сербії вернути ся до роботы. Запертя граніць а заставлїня черезгранічного транспорту подля нёго способило великы тяжкости про многы мадярьскы фірмы. Робітницї в землегосподарьскім секторі могли граніцї перекрочіти уж у четверь рано о 4.00г. Єднакый договор заперло Мадярьско і з Австріёв, додала аґентура Ройтерс (Reuters).

(TASR, Шутіова)