Депутаты мадярьского Народного згромаджіня в понедільок схвалили вступ Швеції до Североатлантічной аліанції. За ратіфікацію голосовало 188 депутатів, шість депутатів із Руху наша отцюзнина были проти, нихто ся не стримав. Мадярьско ратіфіковало приятя Швеції до НАТО як послідня членьска країна Аліанції. Турецькый парламент їй вступ схвалив 23-го януара. Депутаты мадярьского владного блоку Fidesz-KDNP одкадали рішіня веце як рік і пів, причім повторяно твердили, же Мадярьско не буде послідньов країнов, котра вступ ратіфікує. Шведьскый премєр Улф Крістерссон день схваліня ратіфікації означів за „історічный“. Мадярьскый парламент так само вчера зволив нового презідента, котрым став председа Конштітучного суду Тамаш Шуйок. Сполочный кандідат Fidesz-KDNP быв зволеный 134-ма голосями, опозіція при вольбі вышла зо салы.

(Медвідь, TASR)