Пропозіцію закона о охрані „сувереніты“ передложать мадярьскому парламенту тот тыждень в рамках штиридньогово засіданя, котре почало в понедільок. Інформовав о тім посланець владной партії Fidesz і державный секретарь резорту обороны Сілард Немет. Премєр Віктор Орбан 16-го новембра повів, же ку пропозіції того закона очекує в парламенті велику діскусію. За словами Орбана мусять ся сформуловати ясны заказы, жебы не мож было овпливньовати мадярьскы вольбы фінанціями із заграніча. Веджіня партії Fidesz назначіло, же нова леґіслатіва може односити ся на фінанцованя політічных партій із заграніча, а може і на медії ці мімовладны орґанізації, котры суть подля Орбановых тверджінь під впливом Вашінґтону ці Брусела. Унія звертать увагу, же подобный закон „о загранічных аґентах“ быв приятый в Росії.

(Медвідь, TASR)