Мадярьска влада вже давно сповнила свою задачу у вопросі жадости Швеції о членство в НАТО, бо минувшый рік передложыла шведьскый ратіфікачный документ до парламенту. Тот буде мати можливость на осіннім пленарнім засіданю вырішыти, коли буде голосовати о ратіфікації, повів мадярьскый міністер загранічных діл Петер Сійярто в розговорі про турецьку телевізію TRT World. Шеф мадярьской діпломації подля аґентуры MTI підкреслив, же дотеперь не было мож вырішыти спорны вопросы зо Штокголмом. Влада подля міністра не хоче быти барьєров членства Швеції в НАТО і жадость Швеції а Фінландії реґуларно конзултовала з турецькыма лідерами. Мадярьско і Турція суть єдиныма країнами НАТО, котрых парламенты вступ Швеції до НАТО іщі не ратіфіковали.

(Медвідь, TASR)