Председа парламентной фракції мадярьской владной партії Fidesz Мате Кочіш у віторок інформовав, же фракція буде голосовати за приятя Швеції до Североатлантічной аліанції. Выходить то із писма председови парламенту Ласлови Кеверови публікованім на соціалній сіті, в котрім Кочіш жадать о зараджіня того пункту до першого дня ярьного засіданя парламенту. Подля сервера telex.hu то Кочіш зробив курто по тім, як шведьскый премєр Улф Крістерссон у Варшаві в понедільок повів, же видить „силну волю“ у вопросі схваліня вступу Швеції на мадярьскім боці, і назначів навщіву Будапешті. Премєр Віктор Орбан уж в неділю повів, же парламент схвалить членство Швеції в НАТО.

(Медвідь, TASR)