Опозіція собі про недільняйшы комуналны вольбы в Мадярьску зробить властный режім рахованя голосів. Повів то в понедільок опозічный лівіцьовый кандідат на посаду будапештяньского старосты Ґерґель Корачонь. Як інформовала аґентура MTI, уточнив, же зо записніці зробленой по зрахованю голосів делеґат опозіції зробить в пункті голосованя копію, котру зажене окружному шефови кампані. Тот даны запише до датабазы, котру опублікують аж в часі, кедь то уможнює закон. В парламентных вольбах 2018 было много похыбностей о транспарентности, повів Корачонь. Вольбы пріматорів, старостів і депутатів містных і народностных самосправ будуть проходити в неділю 13-го октобра.

(Медвідь, TASR)