Мадярьска міністерска справедливости Юдіт Варґова вызвала підпредсидательку Европской комісії про вартости і транспарентность Вєру Йоурову, жебы одступила зо свойой функції про крітіку Віктора Орбана в розговорі про німецькый тыжденник Der Spiegel. Йоурова в розговорі з 25-го септембра повіла, же Орбан подля ньой будує хвору демокрацію, і высловила страх, же мадярьскы люди собі єдного дня усвідомлять, же попередні парламентны вольбы были остатні, котры мож назвати слободныма. Міністерка Варґова в реакції на розговор на сіті Facebook написала, же Юурова знова одкрыто атаковала Мадярьско, чім уразила Мадярьско і каждого Мадяра.

(Медвідь, TASR)